Makmaag Reewing Qeybty 8aad

251) Shiid kor ling gemy geraangeraa ky darsathee.

252) Dhubud koo ky dilo dhunjhis koo my ky diloow.

253) Doorathy kiig gurtoo rifoowka ly jeed.

254) Geeky suus ii seery jing leyu.

255) Si hung wal ing sheeg saahira wal dheeriyii.

256) ang buky boqol ing teliithi.
257) Lang wal kiing ky taraany ming kawaa saang kiing ky daree.
258) Farta humaati farjhis my koo gooyasy.
259) Jiir miirjhey qapy mukulaal jiirtiye my ky jiifidow.
260) So, ley fathaase surtung jug ba kii deegasy.
261) Hipilow samaang fathaayey ma ha kii deerny.
262) Walaalka dapky ky jary daaroodky ky rafoy.
263) Wal badsoy wal beela lety.
264) Sithii ing qapy ma ing qabeegay wepigy gowjhey ing ky ridoy.
265) Lafty dey misaarty dey sithii ninis ky dhowow dey.
266) Lipee lang gemi my moog.
267) Eringaa si ling dhowee my lahaayne idaaley seedo sug.
268) Ering magaar ky kaathi wal aboojhey ing weeliyu.
269) Ey bung ma fathow aboojhey ny ming fathow.
270) Ering eesang ing bathang eleeng roogaa waa inky bariyee.
271) Eerar dameereed aathis diidy ay linky helee.
272) Ithaalay wali aathiye jilbow jilbow ing ky nuugdii dareeng gaapy leyu.
273) Gurpy dub ing lahaayny laabta ky dhowathee.
274) Aatha ii aawky is galeeng fiirmy kiing ky jarty.
275) Koros aamy kobly aami waakoo ley hasla ka haayang.
276) Jid der daara galee ma ky daayow ma galoow.
277) Kaathy bathany wal ing gogol bathiyee.My uung nee eme oogasy.
278) Gaala galy garoor ky sheeng.
279) Lang wal isku og ii week eper e wu weerayang.
280) Lang kii aatha tab ing gooyi mi kiing daayow.
281) Aatha jing ka guursity aaw dhewa kiing dilaasy.
282) Hal baarjhe ly daari lapajhe my deheng.
283) Bilaang hindhy kii haayty ma heped ye kii haayty ma lee.
284) Sagaary laabta keed ky laalasy ma lugung ye ku laalasy ma lee.
285) Dangtaa magaar eeya ling ky jhiifathee.
286) Ilis ly ky aragoo ulis luku tumee.
287) Sir qapy saabjhe bii ma reebow.
288) Lang kii fidhy kii araghawaayi surung mi kii araghow.
289) Sa’ gaasjhe ly dhowi ganfuurjhe wal ing digi.
290) Lang hindhy wiing wal mal tusow.
291) Lang ha jeethy mal kiyoow.
292) Buur kora ku bilingty hoosny ku bog bogsanty.
293) Dhuung dhuraa leyi dharaa ing lahaayny.
294) Ullu kii dhiithey fariirjhe ing ky roortoy.
295) Dhaang kalaajhey hamaathang hortis kaathy ing waraabtoy.
296) Muthy ii misaar kiiby meelaa muthung ying.
297) Masiiby ku moodi mal ing shilaayow.
298) Shimbirl shimbirka ing haayny buubtangka wal giliyee.
299) Sheydhaang is ku sab amy is ku sug.
300) Walaalka hangjhufta deerti galangtaa la jartoy.
301) Daang walaalkaa wal ing dagramee.