Makmaag Reewing Qeybty 9aad

302) Lang ming kaa ing kooyi mal huraang ming aakhiruwu.

 303) Dupy dingy moothi hugna ma deerny.

 304) Wehengsy tooley weeljhe my korsathaasy.

 305) Lang kii soorta diithy soortisa ku mootiyee.

 306) Gartoo gemberka ku goosathy korty gothoobka mal ing hirithow.

307) Gaal marmar gol ku dhooshi gengdi ku weeli.
308) Any o boory fathow saathow dub jhee ii dhooshi.
309) Jid i tus kob koo tusoo.
310) Magy I maal jing me ee.
311) Soohing dhungti apaa ling nagee.
312) Adeeg ii abuur ma obsathaayang.
313) Kumy kiila jary kalis koo jeedy.
314) Beer abuurjhe biithy ma baaqany.
315) Maly beenguu messily runguu.
316) Telly bilaameed lukooky dambeeyi tii hory me ee.
317) Masiiby koo muqong ming walaalka wa ky jarty.
318) Doo dambeeyo diriree.
319) Ereng jar ingtii aragtii eesangaa in wiing.
320) Shipaal beered shal rooga ku noorasy.
321) Gurpy guu ining mariiny guul guul ining dambeeyny gory I gu’ yaraang wal taawiyee.
322) Lamby wali araghiya ing gopiyee.
323) Tothopy halaad lang ki qapy to kiing diithy tolnimy mikiing qapoo tipilaa kiing qapy.
324) Lang kii aawka tumy aatha teleethiya ma waayow.
325) Asar gee abaartisu.
326) Gooy apeesy guthi inis ku doloolang.
327) Apeesy ul wiinga afjhe inis ky sheenasy.
328) Diidiing weelshey deymootha ky koriyee.
329) Heedey ho soka sagaary.
330) Jid shisheeyi ku guuri aatha lang jeely ku guursoy.
331) Aatha ulmy diidy erdaaly mathajhewu.
332) Mathy qolay goroorka ku kulumee.
333) Hungshugaar fiigy wal ing doo gaabiyee.
334) Aaysing umurow afar garaamy iing ky weel.
335) Eeraar dameered aathis diidy ey ling helee.
336) Doroneega dolla ky haaysoy.
337) Ming walalaka buuhy qurkoo ley ky lety.
338) May may ly ky dari magaajhe mugaawu.
339) Lang dhuus dhoorow kaathy mi hibiyow.
340) Sabar bathang sabar qowlii leyii.
341) Loo lang hung la jary ma leefty maany lithaawty.
342) Lang buul ky barii ii lang baraajhis ky barii is ku bery goo leeyu.
343) Dhung jug wal tabow leyu dhalashy heraas.
344) Gaal god ky dhii lu luwa ling biyee.
345) Dhali dheeraty alkungaa la ha ku dhowaayee.
346) Sagaar qooting badang baciida is taawiyee.
347) Dhowka fathow dhalawa wal warsethee.
348) Megel gogol hung goonka ky leethee.
349) Kung aawka dhali kely atheegawa kiing ku roong.
350) Jug ky sii jawaabaa koo sugee.
351) Meel hoo ling ku baahiyy hathal wal my ku tarow.
352) Meel lykiing ku fathaany ered jhaapy eh in jeeytoy.
353) Moqonaayi meghelaa koo weelasy.
354) Heped bilaameed helang maa hisaab mal ku sugow.
355) Lang ishaathy naar gal qapy maqrabkii waany my dheegow.
356) Lang doghowi dad me ee duunghy ny me ee may dooriyow daaing key dily ma.
357) Aqly doora lang ilaahay sii ya helee.
358) Lamby jidkii haayo gowjhey jhiifathee.
359) Megel haparaa shal roongi ma heped my shal roong.
360) Hal athy ogdy emeel muku dhowaas.
361) Iing negaaw geekawa eeby kung sinnuwu.
362) Baas meelisa kiyaale bariithe maly jarty.
363) Wang gumor sheengti waapang mal ku koriyow.