Boosteejathy SHabeelow Baydhowy oo she'eb lyky hasuughi ,;26/05/2013

Baay: SHeley goobty baaburty lyky rahaw boosteejithy SHabeelow Baydhowy wayba ku dhiyey hasuug dorong.

 
Hasuugung wayba dhiyey ku reed madi baabur Itoobiyaang eh boosteejathy ha mari kaaso madi goobty boosteejathy eh ly siminaayi bam galameed furung haku dhiithi.
 
Bamky furung madi baabursho Itoobiyaanky ha ku dhiitheng qarahthi wayba ooty kuku qaathena askarti baaburky saaranaayti rasaas hoog leh taaso dhaawa' dorong ing jeeysiti dad bathang she'eb eh haaby ingky bathanaathena hangraab shithaal goobtas ky gathaayi.
 
Sithy warky hanii deeri ly yaabky kalo meellas ku dhii wayba haayey ku reed madi hasuugas dhii inii iithimithy Itoobiyaangky eh baaburty ingti haku degheng lang gana'sithy eh Jerbey ly eraw tukaangshey ingti ing galey iyagho jukaayayang wethitheng.
 
Tang wayba qiib ku etaa dhibaatooyingky haanaghaw mar walby iyo ly kulumaayang dadwiinaghy reer Baydhow i guud haang reer Koonfur Galbeedky degeng Lity Gobol Koonfur Galbeed Soomaaliya.