Shir ay yeesheen odayasha dhaqanka gobolada Koonfurgalbeed Soomaaliya, ururka haweenka gobolka Bay, ururka dhalinyarada gobolka Bay iyo weliba maamulka gobolka iyo kan degmada Bay goor dhawna kusoo idlaaday hoolka shirarka xarunta siyaasada ee dowladgoboleedka Koonfurgalbeed ee Baydhabo ayaa waxaa laysku afgartay in maalinta berito ah oo Arbaca ah shir kale layskugu imaado sidoo kalena lagu dhiso gudiyo kala duwan.
Shirkii maanta qodobka ugu muhiimsan ee kasoo baxay waxa uu ahaa inay dhamaan ergayda gobolada kusoo xaadiraan magaalada Baydhabo si uu u furmo shirka dowlad goboleeka loogu dhisayo lixda gobol ee kala ah, Bay, Jubbada Dhexe, Shabeelada hoose, Bay, Gedo, Bakool iyo Jubbada hoose.
Sidoo kale iskusoo bax ka dhacay magaalada Baydhabo ayay ka hadleen masuuliyiin iyo oday dhaqameedyo kusugan magaalada Baydhabo.
Iskusoo baxa ayaa ahaa mid kagu taageerayay go'aankii oday dhaqameedyada koonfurta Soomaaliya.
Dhawaan ayay ahayd markii ay magaalada Baydhabo si wadajir ah war murtiyeed ugasoo saareen ilaa 50 xildhibaan oo uu hogaaminaayay gudoomiyaha baarlamaanka federaalka Soomaaliya ahna kusimaha madaxweynaha dowlada federaalka iyo weliba odayaasha dhaqanka Koonfurta Soomaaliya.
War murtiyeedka ayaa lagaga dhawaaqay in shirka Baydhabo lagu dhisi doono dowlad goboleed ka kooban lix gobol sidoo kalena ay goboladaasi ergay soo dirsadaan.
Dhanka kale, shirka maalinta berito ah ka dhici doona magaalada Baydhabo ayaa waxaa lagu dhisi doonaa gudiyo kala duwan oo ay kamid yihiin gudiga dhaqaalaha, gudiga, amniga iyo gudiga soo dhaweynta wafuuda