Mogdishow: Mahamad Ahmad oo hubung ky mid eh haayi baarlamangki KMD oo warbaahingty aalamky la hathalaayi wayba dowlady Federaalky ingky baaghey inii deghaal ky fool ky fooly eh lala galy Ahmad Mithoowy.
Siyaasighung dhawaaghi wayba sheeghey inii Ahmad Mithoowy dhan walby hagdory ky rooghy maghaalathy Kismaay'y harunty koowad Lity gobol Koonfur Galbeed Soomaaliya.
Siyaasighy wayba sheeghey hathal ma'anaashey iyy inii Mithoowy dhang she'eb i dhalashaby shaqy ingky lahaayny maghaalathy Kismaay'y usugho hoog i qoory usy ing lahaayny hilighung ky rooghy beledkaasey.
Muthunaaghung siyaasighy eh ky qaylii halasty dalky geliyi kory hadi haty niniisky qobowny Ahmad Mithoowy waliba edaayey halky liingky guthuby kory gardoraathy i qasky Aw Mithoowy inii si toos eh liing ly deghaalamy bes eh war kaleedny wal liing kuku qobothy korny bur'ad dhuleedkung ajanabighy ehe waany ajaaniibty ha kaalathi.