Wararka eynu ka heleyno Gobolka Sh.Hoose ayaa waxa ay sheegayaan in halkaasi lasoo dhigay Isbaarooyin kor u dhaafaya ilaa iyo 60 kuwaasi oo la sheegay in ay soo dhigeen Askar ku labisan Dareeska Dowladda Soomaaliya.
Askartan Isbaarada soo dhigatay inta u dhaxeysa Degmada Afgooye ilaa iyo Wadada isku xerta Baydhabo ayaa waxaa la sheegay in ay dhibaato kala duwan u geystaan Shacabka kala duwan ee ku dhaqan Gobolka Sh.Hoose.
Gudoomiye ku xigeenka Dhaqaalaha ee Gobolka Sh.Hoose C/fataax Xaaji C/lle Yuusuf oo la hadlay wabaahinta Muqdisho ayaa sheegay in Isbaaro ka badan 60 la soo dhigay inta u dhaxeysa Wadada dheer ee isku xerta Magaalada Afgooye iyo Baydhabo waxaana uu tilmaamay in Jidgooyooyinkaasi ay soo dhigteen Ciidamada Dowladda Soomaaliya oo isugu jira Boolis iyo Militari.